وەرزشی هەوایی وەكو راكردن، مەلە، لێخوڕینی پایسكل دەبێتە ئەگەری دابەزاندنی كۆلیستیرۆلی خراپ (LDL) بە رێژەی 3- 16 ملگم .
• دابەزاندنی كێشی زیادی لەش ئاستی كۆلیستیرۆلی جۆری (LDL) بە رێژەی 35 -10 ملگم دادەبەزێنێ.
• وازهێنان لە جگەرە ئاستی كۆلیستیرۆلی جۆری (LDL) نزم دەكاتەوە بە رێژەی %1.7، هەروەها ئەگەری تووشبوون بە نەخۆشی دڵ كەم دەكاتەوە .
• گۆڕینی خۆراك . دووركەوتنەوە لە خواردنی گۆشت و ئەندامەكانی ئاژەڵ، زەردێنەی هێلكە (كە بە تێكڕایی 200 ملگم كۆلیستیرۆلی تێدایە) و شیر بەرهەمە چەورەكانی شیر، بەرانبەر بە زیاد خواردنی سەوزە میوە جۆراوجۆرەكان، باوی، گوێز، كازو Cachew، زەیت زەیتوون، ماسی بە تایبەتی ماسی زێ و رووبار و دەریاكان .

مەسەلەیەكی دیكە كە بۆتە جێگای نیگەرانی تەندروستیی خەڵك بریتییە لەو شەپۆلە كارۆموگناتیسیانەی كە لە وێستگەكانی مۆبایلدا دەردەچن بە تایبەتی لە تاوەرەكاندا، چونكە لێرەدا شەپۆڵەكان بە بەردەوامی و بەهێزتر لە ئامێری مۆبایل بڵاودەبنەوە ، هەروەها چڕی كایەی كارۆموگناتیسی لە نزیك ئەم وێستگانەدا زۆر زیاترە لەو كایە كارۆموگناتیسیەی كە لە نزیك ئامێری مۆبایلدا پەیدا دەبێت، كاریگەری ئەم كایە كارۆموگناتیسیە چڕەی وێستگەكانی مۆبایل لەسەر تەندروستیی مرۆڤ بۆتە جێگای نیگەرانی خەڵك و تەوەرێكی گرنگی لێكۆڵینەوەی بەردەوامی زانستی و پزیشكی. بە هەرحاڵ لە چەندین توێژینەوەی زانستیدا هاتووە كە ئەو خەڵكانەی ژیان لە نزیك ئەم وێستگانەدا بەسەر دەبەن ( تا دووری 100 مەتری بازنەییش ) لەوانەیە كە دووچاری چەندین گرفتی تەندروستی ببنەوە وەكو سەرئێشە، ماندوبوون، شڵەژانی خەو، زوو لەبیركردن.

زانایانی بواری تەندروستی بۆیان دەركەوتووە كە ڤیتامین D رۆڵێكی گرنگ لە پاراستنی تەندروستی و بەهێزكردنی مێشكدا هەیە و ئەو رۆڵە تاكو دوا ساتەكانی مرۆڤ بەردەوامە. بەپێی توێژینەوەیەك كە لەسەر 3 هەزار كەسی ئەوروپی كراوە دەركەوتووە كە ئەوانەی كە لە خواردنی رۆژانەیاندا ڤیتامین Dیان بەكارهێناوە زیاتر توانای راگرتنی زەینیان هەبووە و كەمتر تووشی نەخۆشی ئالزایمەر "لەبیرچوونەوە" بوونە. پسپۆرانی بواری تەندروستی لە زانكۆی مانجستەر لە بەریتانیا بۆچوونیان وایە ڤیتامین D لەگەڵ خانەكانی پێكهنەری مێشك پەیوەندییەكی نزیكی هەیە. هەرچەندە توێژەرەوان بۆیان دەرنەكەوتووە هۆكاری ئەوەی كە ڤیتامین D یارمەتی كارایی زەینی مرۆڤ دەدات چییە. دیارە سەرچاوەی گرنگی ڤیتامین D تیشكی خۆرە، هەرچەندە لە گۆشتی ماسیشدا تا رادەیەكی بەرچاو هەیە. توێژەرەوان دەڵێن رەنگە ڤیتامین D چالاكی هۆرمۆنی پاراستنی مێشك بەهێز بكات.

وشكبوونی دەم Xerostomia گرفت پەیدادەكات لەبەردەم قسەكردن و قووتدانی خۆراك، ئەگەری هەوكردن لەناو دەمدا زیاد دەكات، گرنگترین هۆیەكانی بریتین لەمانەی خوارەوە:
• هەوكردنی گلاندەكانی لیك وەكو گوێ رەپە، گیرانی جۆگەكانی دەردانی لێك بە هۆی پەیدابوونی گرێی شێرپەنجەیی یان بە هۆی دروستبوونی بەرد لەوێدا. لابردنی گلاندەكانی لیك بە نەشتەرگەری.
• زیانی لابەلای دەرمان. بۆ نموونە دەرمانەكانی دژەهیستامین كە بۆ چارەسەركردنی هەستەوەری بەكاردەهێنرێن، دەرمانی دژە ئازار، دەرمانی دژە پەستی و دژە خەمۆكی، دەرمانەكانی چارەسەركردنی شێرپەنجە، دەرمانەكانی نەخۆشییەكانی دڵ، دەرمانە هۆشبەرەكان، دەرمانی نەخۆشیەكانی گەدە و دەزگای هەرس.

• نەخۆشییە درێژخایەنەكان وەكو : نەخۆشی شەكرە، سستبوونی گلاندی تایرۆید، پەككەوتنی گورچیلەكان، نەخۆشی ئایدز، نەخۆشی ئەلزهایمەر Alzheimer، نەخۆشی پاركینسۆن.
• زەبر بۆ ناوچەی سەر یان بۆ ناوچەی مل كە بووبێتە هۆی زیان گەیاندن بەو دەمارانەی كە دەگەنە گلاندەكانی دەردانی لیك.

چارەسەركردن بە تیشك Radiation therapy كە بۆ چارەسەركردنی شێرپەنجە لە ناوچەی سەردا بەكاردێت زۆر جار دەبێتە ئەگەری زیان گەیاندن بە گلاندەكانی لیك و پەیداكردنی وشكبوونی دەم.

گلۆپێكی نوێ لەلایەن كۆمپانیای پاناسۆنیكەوە هاتە بەرهەم كە هۆشمەندە و دەزانێ چەندە رووناكی بۆ ئەم شوێنە پێویستە. گلۆپی Auto-eco light- control twin pa لە چەندین ئامێری بچووكی هەستیار سوود وەردەگرێ و رێژەی رووناكییەكە دیاری دەكات. رۆژانە كە تیشكی خۆر دێت ئۆتۆماتیكی گلۆپەكە دەكوژێتەوە. دیارە مەبەست لە بەرهەمهێنانی ئەو گلۆپانە كەمكردنەوەی وزەیە. چونكە هێشتاش لەلای ئێمە كەلتووری كەمكردنەوەی وزەی نەبۆتە باو و، هەیە بە رۆژی رووناكیش گلۆپەكانی دادەگیرسێنێ.

مۆبایلی ئای فۆن نوێترین و پڕ تەكنەلۆژی ترین مۆبایلە لە جیهاندا، ئەو مۆبایلە لەمسییە و زۆربەی پرۆگرامەكانی كۆمپیوتەر دەخوێنێتەوە. لەم رۆژانەدا كوڕێكی 9 ساڵەی ژاپۆنی بە سوود وەرگرتن لە پرۆگرامی پاسكال توانی پرۆگرامێك بۆ ئەو مۆبایلە دابێنێ كە بە هزری پسپۆرانی بواری داهێنانی تەكنەلۆژیادا نەدەهات. بەهۆی داهێنانە نوێیەكەی ئەو منداڵە بەكارهێنەر دەتوانێ بە پەنجەكانی دەست هەر نیگارێكی پێخۆشبوو بیكێشێتەوە. بۆ سڕینەوەشی تەنیا ئەوەندە بەسە كە مۆبایلەكە بجوڵێنێ و ئیدی نیگارەكە دەسڕێتەوە. پرۆگرامەكە ناوی Doodle kids كە بە قسەی ئەو منداڵە بۆ خوشكەكانی خۆی كە بچووكن دروستی كردووە. بەپێی قسەی دایك و باوكی منداڵەكە، ئەو منداڵە لە تەمەنی 7 ساڵییەوە خەریكی پرۆگرام نووسینە.

ئەو كاسێتەی دەبینن لەراستیدا كاسێت نییە بگرە، ئامێرێكی MP3player ی دیجیتالییە، مۆسیقییەكان لە بەشی 45 خولەك، كاتژمێرێك و كاتژمێر و نیوێك بڵاودەكاتەوە. خاڵی سەرنج راكێشی ئەو ئامێرە لەوەدایە كە بۆ بردنە پێشی گۆرانییەك یان بردنە دواوەی بە پەنجە بازنەی ناو كاسێتەكە دەسووڕێنی. لەوەش سەرنج راكێشتر هەر بە پەنجە شەحن دەبێتەوە.

ئایه‌ ده‌زانى گورگ تاكه‌ گیانداره‌ كه‌ جنۆكه‌ ده‌خوات؟
·ئایه‌ ده‌زانى گورگ تاكه‌ گیانداره‌ كه‌وا جنۆكه‌ لێى ده‌ترسێ؟
·ئایه‌ ده‌زانى گورگ بۆنى خوێنى ئاده‌میزاد له‌ دورى چه‌ند میلێك ده‌كات له‌بیابان ,وه‌ئه‌گه‌ر ئاده‌میزاد زامدار بوو خوێنى لێهات له‌ بیابان ده‌بێته‌ نێچیرى گورگ و رزگار بونى ئه‌سته‌مه‌.
·ئایه‌ ده‌زانى ده‌توانى ئه‌ستێره‌كان ببینى له‌ رۆژدا سه‌یرى قولاى بیرێك بكه‌ له‌ رۆناكى رۆژدا ئه‌وا ده‌بینى  كه‌وا چۆن ئه‌ستێره‌كان ده‌دره‌وشێته‌وه‌.